Azərbaycanda şok hadisə: Vətəndaşa şər atan məmur həbs olundu +VİDEO

Azərbaycanda şok hadisə: Vətəndaşa şər atan məmur həbs olundu +VİDEO

Şəkidən Balakənə göndərilən bağlamanın içərisindən narkotik və avtomat silahının güllələri çıxıb.

APA TV-nin məlumatına görə, Balakən şəhər sakini Zahid Abdulhacı oğlu Xanlayev Balakən rayon Polis Şöbəsinə müraciət edərək bildirib ki, Şəki şəhərindən Arif adlı şəxs ona mobil telefonla zəng edərək, Şəki-Balakən marşrutu ilə hərəkət edən sərnişin daşıyan mikroavtobus vasitəsilə bir ədəd bağlamanın göndərildiyini bildirib. Balakən şəhərində bağlamanı götürüb açan zaman narkotik vasitə hesab olunan heroin və avtomat silahının 4 ədəd gülləsi ilə üzləşib.

Məlumat əsasında aparılmış əməliyyat-axtarış tədbiri zamanı məlum olub ki, Balakən şəhər sakini Ələkbər Köçəli oğlu İsmayılov Zahid Xanlayevi narkotik vasitələrin qanunsuz dövriyyəsində günahlandırmaq məqsədilə bilərəkdən bu cinayət hadisəsini törədib. Məlum olub ki, Ələkbər İsmayılov Qax şəhər ərazisində taksi fəaliyyəti ilə məşğul olan Qax şəhər sakini Rəşid Allahyar oğlu Məmmədovla birlikdə Şəki şəhər avtovağzalına gedib. Ələkbər İsmayılov avtovağzalda Rəşid Məmmədovdan içərisində 3 ədəd A-4 formatlı kağız bağlamaları olan qutunu Şəki-Balakən marşrutu ilə hərəkət edən, Balakən rayonu Qazma kənd sakini Arif Şövkət oğlu Hüseynovun idarə etdiyi sərnişin daşıyan mikroavtobusa verməsini istəyib.

loading…

Hal şahidlərinin iştirakı ilə Ələkbər İsmayılovun Zahid Xanlayevə göndərdiyi bağlamaya baxış zamanı oradan üç ədəd torbada olmaqla ümumi çəkisi 3,780 qram heroin və bir ədəd kağız bükülüdə avtomat silahının 4 ədəd güllələri götürülərək istintaqa təhvil verilib. Keçirilmiş tədbir nəticəsində hadisədə iştirak edən Ələkbər İsmayılov, Rəşid Məmmədov və Arif Hüseynov şübhəli şəxs qismində saxlanılıblar. Saxlanılanlardan Ələkbər İsmayılov barəsində Balakən rayon məhkəməsinin qərarı ilə həbs-qətimkan tədbiri seçilib. Faktla bağlı cinayət işi başlanıb, istintaq aparılır. 

APA TV-nin əldə etdiyi məlumata görə, həbs edilən Ələkbər İsmayılov uzun illər Balakən rayon Məhkəməsində icra məmuru işləyib. Bir neçə gün əvvəl isə o, tutduğu vəzifədən azad edilib. 

507 Baxış
8820cookie-checkAzərbaycanda şok hadisə: Vətəndaşa şər atan məmur həbs olundu +VİDEO
Paylaş

Hafiz

Saytın sahibi və yaradıcısı

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Next Post

Barmaqları şaqqıldatmaq bu xəstəliyə səbəb olurmuş

Bz Mar 1 , 2020
Barmaqları şaqqıldatmaq bu xəstəliyə səbəb olurmuşBarmaq oynaqlarını, boyunu (boyun fəqərələrini) tez-tez hərəkət etdirənlər, şaqqıldadanlar, boyunda “qulunc qıranlar” və bununla rahatlıq tapanlar yetərincə çoxdur. Bu vərdiş gün ərzində dəfələrlə təkrarlanır. Çoxları bunun zərərsiz vərdiş olduğunu düşünür. Bu hərəkətəri etməklə psixoloji olaraq rahatlanırlar. Amma bu, heç də düşünüldüyü kimi zərərsiz vərdiş deyil, […]